الاعراس حسب الجنسيات

الفلسطينية


طبعا لازم قاعة ...

مش مهم بفندق بنادي بالشارع

المهم قاعة...

وطبعا
بيبدأ العرس ومش مختلط ... وكل البنات لابسين أحمر أو ذهبي أوفضي .... ودايما يتصير طوشة على الكيك فلانة اخذت وفلانة زعلت عشان ماضيفوها ... يعني قصة وسلامة قيمتها.... وفي الحالتين ما وحدة بتطلع الا ومعها انتقادات عن كل الموجودات...

وخمسين أم بتلف عالطاولات بتدور على عروس للنضوة ابنها...

واذا مالقت عروس بالعرس بس تروح عالبيت بتحضر فيديو العرس مرتين وعشرة عشان تتأكد انو ما نسيتلها بنت متخبية تحت الكرسي ما شافتها
وفجأة بيدخل العريس وأبوه وأخوانه واولاد عمه
واولاد خاله وكم واحد من
اصحابه الصيع .... وكلهم لابسين بدلات الشغل ..وهات اللي يطلعهم لآخر العرس...
------------ --------- -

الأعراس اللبنانية :

ألف بنت وخمسين شاب .... ونص الشباب
سكرانه ... والمسترة لابسه ميني سكيرت وحفر...

الشباب بدل من دون ربطة ....
والقميص مفتوح وسلسال ذهب ....
والعروس أكتر وحدة بترقص بالعرس...

العريس بيرقص مع صاحبته .... والعروس مع أخوه
وإم العروس مع خاله ... والحياة حلوة ...
------------ --------- -

الأعراس السورية :

العرس صغير .على الأقل200 شخص لأنه ما لحقوا وعاملينها عالديق لا تواخزونا...
وطبعا كل العرس شباب وصبايا ...وعلى كيفك
الجينز .... والبنات اللي بكونوا شادين الهمة بالرقص هنن من طرف العريس .....تارة من أهله

وتارة صاحباته...
البوفيه عالقد ... ولازم سيارة الزفه بي ام...

ومن أول العرس لآخره دبكة علوش ..

------------ --------- --

أعراس الامارات :
عرس الرجال مثل العزا بالأردن

رجال وجالسين

وعلى مسا الخير أبو محمد وعلى اهلا وسهلا ومرحبتين
بس الفرق انه في واحد لابس عباية مستعيرها ..... وطبعا الكل صايم يومين عشان في عشا ..

عرس الحريم شبيه الحفلات التنكرية اللي بنشوفها عالتلفزيون ......
وطبعا لو نزل مطر عليهم بتصير الأرض كلها ألوان الطيف ....
------------ --------- -------

أعراس الأردن :
كانك داخل على عزا الكل مكشر

وما بتشوف سنهم غير على منسف
خمسين طاولة ... كل طاولة عليها خمس رجال ... ومناسف اللحم قدامهم محطوط عليهم راس بلدي
واللحم الي عل منسف الله اعلم
استرالي ولا بلغاري
...

وشررررب يا ولد...

غير الطخ الي شغال عن جنب وطرف ...

واللـه يهدى بالهم قبل ما يذبحولهم حدا ...

عشان بعد العرس ما ينشغلو بعطوة وجاهات.....

مع إن البعض بيتمنى هيك يصير عشان ياكلولهم منسف مرة ثانية

والله لا يورجيكم ام العريس لابسه المدرقه السودا ومو عاجبها لا العروس ولا اهلها

------------ --------- ----

أعراس المصريين :

الكل بيرقص والشهادة كل بناتهم خبرة ... لكن لازم يجيبولهم رقاصة وقشطة يا معلم ... وما بتسمع غير الزغاريت وعقبالك يا فاروووق ، والله يخليك يا معلم ......

والعرس إما بنادي الماء والكهرباء او النادي السياحي ... وبس لما سكروهم عزف المصريون عن الزواج ...

------------ --------- ----

أعراس السعوديين :

خيمة كبييييييييييييرة او قاعه كبييييييييييييييييييييرة ... فيها ألف واحد لابسين عبايات .... وكل واحد شايل سيف ومفكر حاله نمر بن عدوان
وبعد هيك بتبدا الحرب مع الرز واللحمة
والله لا يورجيك
الدهن للكوع - والرز للركب

وخير اللـه واجد

------------ --------- ---

اعراس السودانيين:
العريس طبعا غافي ، والعروسه بتريح شوي ، والمعازيم نايمين ..، والنور مطفي ..والحياه ظلمة ، والي بيصحى بيروح وبيخلص العرس ... والدخلة عادة بدها ليلة اما على نشاطهم بدها شهر ... والعجيب كلما يخلفولهم ولد بيطلع شبه اخوانه ... سبحان اللـه . و دي حاجة عجيبة واللـه

------------ --------- ---

العرس الأجنبي
بسيط ومريح جدا ... دبلة وفستان ... والمعازيم لمم بنعدو على الاصابع والكل سكران وما على لسانهم غير أوووووه .... واوووووووو .... ومش عارفين ليش... اما العروس فحرام نظلمها .... أي نعم حامل لكنها متأكدة انه ابن هذا العريس... واصحابها السابقين بيكونو معزومين طبعا والي بيحب يحضن يحضن واذا بدو بيبوس ... واللـه يهدي النفوس